Үөһээ Бүлүү Өргүөт, Ороһу — ГОСТУРУОЛ

✨ Сэтинньи ый 15-16 күннэригэр Үөһээ Бүлүү Өргүөт уонна Ороһу нэһилиэктэригэр гастроллаан ыалдьыттаатыбыт.
✨ Бу ыалдьыттаһыы сибээһи бөҕөргөтүүгэ, санаа атастаһыытыгар тоҕоостоох түгэн буолла.🙌🏼 Бастакы күммүт Өргүөт нэһилиэгиттэн саҕаланна. Дьоно-сэргэтэ олуһун диэн минньигэс сылаас астаах🧇, итии чээйдээх☕ көрүстүлэр. ✨ Араас хайысхаҕа үлэлиир тус туһунан санаалаах дьон волейболга🏀 күрэхтэһэн, төгүрүк остуол тула ирэ — хоро кэпсэтэн аастыбыт.🙌🏼 Киэһээҥҥи өттүгэр Атамай нэһилиэгин көхтөөх дьоно күүһүнэн туруоруллубут
💥 “Дэриэбинэ долгуна”💥 диэн ыллаах – туойуктаах🎼, үҥкүүлээх — битиилээх э5эрдэ кэнсиэрэ ыытылынна👍🏽 Ону тэҥэ көрөөччүлэрбитигэр киирии билиэтинэн сүүйүүлээх оонньуу ыыттыбыт.
✨ Сарсыҥҥы күҥҥэ Өргүөт уһуйааныгар уонна оскуолаҕа сылдьан, нэһилиэккэ ыытар үлэлэрин-хамнастарын, спорка, култуураҕа ситиһиилэрин туһунан ирэ -хоро иһиттибит🙌🏼
✨ Салгыы айаммыт🚗 иккис күнүгэр Гаврил Николаев аатынан «Ороһутааҕы сынньалаҥ киинигэр» эҕэрдэ киэһээбитин бэлэх ууннубут. Көрөөччүлэр икки нэһилиэгинэн дуоһуйа сынньаннылар, ырыа – үҥкүү абылаҥар уйдардылар🙌🏼
✨🔅Махтал тылларын тиэрдиэхпитин баҕарабыт үрдүк таһымҥа көрсүбүт Өргүөт нэһилиэгин баһылыгар Василий Васильевич Абраховка, нэһилиэктэр сынньалаҥ киинэ дириэктэрдэригэр, коллективыгар, олохтоохторугар🙌🏼
✨ Чуолаан махтал тылларын тиэрдэбит Өргүөт нэһилиэгин олохтооҕор Анастасия Афанасьевна Захароваҕа😇 бачча элбэх дьону кыра оҕолуу көрөн – истэн, хоннорон, минньигэс сылаас – итии аһынан күндүлээбиккитигэр🥰. 😇Баҕарыахпыт этэ бу курдук сымнаҕыыс-сымнаҕаһынан мичилийэ, өрүү бу курдук кэрэ, ыалдьыбакка доруобай сылдьаргытыгар!🙌🏼 Сыралаах үлэҕит, такайыыгыт түмүгэ ситиһиилээх буоллун.🙌🏼 Эһиги инники олоххут мэлдьи үөрүү-көтүү үктэллэниэхтин, дьолунан доҕуһуолланыахтын.🙌🏼🥰
✨Махтал тылларын тиэрдиэхпитин баҕарабыт култуура дьиэтэ киэн туттар, нэһилиэкпит талааннаах, ырыа куттаах, үҥкүү абылаҥар уйдарар дьоммутугар: Юлиана Геннадиевнаҕа, Сардаана Ивановнаҕа, Петр Жирковка, Саина Саввиноваҕа, Савва Захаровка, Сааскылаана Жирковаҕа, Александр Максимовка🙌🏼
✨ Үлэҕитигэр, тус олоххутугар ситиһиилэри, киэҥ дабайыылары. Дьон махталын өрүү ыла тураргытыгар баҕарабыт.🙌🏼✨😇