“Атамай Ыһыаҕа-2026”

🌿Бэс ыйын 23 күнүгэр
🌿«Үчүгэй толоон» сиригэр
🍃 “Атамай Ыһыаҕа-2026”🍃
үрдүк таһымнаахтык, тэрээһиннээхтик буолан ааста. ⚜ «Үчүгэй толоон» сирэ көҕөрөн чэлгийэн, күммүт уота чаҕылыччы мичилийэн кэлбит дьону үөрэ-көтө уруйдуу-айхаллыы көрүстэ.
🌿Ыһыах арыллыытыгар арылы маҥан халлаан анараа сиксигиттэн Айыы кыыллара, сэттэ Кыталык көтөн тэлээрэн биһиги түһүлгэбитин киэргэттилэр.😍
🌾Эллэй эһэбит алгыс тылы амалыйан, уйгубутун уһаппытын, төннүбэт төлкөбүтүн түстээбитин үйэтитээри, ас кэбиспит сиэрин ситэрэн, туомун тутуһан, алгыс түһэр сирин түптэ буруотунан унааран арчылыыр түгэммит үүммүтэ. Ыһыах сиэрин-туомун Үрдүк Айыылартан көрдөһөн, уохтаах кымыһынан, арыылаах алаадьынан айах тутта, алгысчыт – Алгыстан Дураһаал ыалдьыттары ыраастаата — араҥаччылаата.🙌
🌿Маннык кэрэ сайыҥҥа, маннык кэрэ кырдалга талба талаан дьоннордоох, ырыа ыллам ыччаттара
«Биһиги күүспүт — сомоҕолоһууга»
диэн бастакы ыччат бэстэбээлин Атамай нэһилиэгин уус-уран айар үлэ кэнсиэрин дуоһуйа көрдөрдүбүт.👍
⚜Култуура аралдьытар көрүлгэ тэрээһиннэрэ:
✨“Үс көлүөнэ саха таҥаһа” саха төрүт таҥаһын көрүү күрэһэ. Уопсайа 4 көлүөнэ кытыыны ылла.
🍃1 миэстэ- Иванова Варвара Гурьевна көлүөнэ дьоно
🍃2 миэстэ -Яковлева Валентина көлүөнэ дьоно
🍃3 миэстэ -Максимова Елизавета Афанасьевна көлүөнэ дьоно
🍃4 миэстэ – Аввакумова Мотрена Афанасьевна көлүөнэ дьоно
✨Кыттааччылар, кыайыылаахтар сыаналаах бирииһинэн, туоһу суругунан наҕараадаланнылар.👍
🌿Анна Васильевна аатынан
“Толбонурар уһун суһуох”
уһун суһуох көрүү күрэһигэр уопсайа 17 кыттааччы кытыыны ылла.
✨Ул.дьоҥҥо
1 место – Иванова Альбина Аркадьевна, Ефремова Александра Анатольевна
✨Оҕолорго
1 место – Соловьева Дайаана
🍃Ону тэҥэ күрэх саастаах кыттааччытыгар Филиппова Клара Дмитриевнаҕа “Долгууна” үҥкүү ансаамбыла анал бириис туттардылар, күрэх кырачаан кыттааччытыгар Павлова Мияҕа “МираЮ” маҕаһыын анал бириис туттарда.👍
😍Муҥутуур кыайыылаахха Соловьева Дайаанаҕа, Анна Васильевна оҕолоро илин кэбиһэр уонна бастыҥа бэлэх ууннулар. Кыттааччылар бирииһинэн, туоһу суругунан наҕараадаланнылар.
🙌 Киэһээ өттүгэр Үрүҥ Тунах ыһыах күнүгэр аналлаах эҕэрдэ кэнсиэри Дьоллоох Дьокуускай куораттан “Туймаада”
судаарыстыбыннай ырыа ансаамбыла ыалдьыттаан аастылар.✨ Ырыа аптаах дуорааныгар күндү көрөөччүлэри уйдардылар, сынньалаҥ киэһээтин бэлэх ууннулар.🌿

✍ Суруйда Анна Дмитриева, Атамай
📸 Хаартыскаҕа түһэрии Павлова Татьяна, Габышева Розалия, Александр Максимов
🎥 Видео оҥоруу Габышева Сандра